Q.S Al Anfal (اَلْأَنْفَال) - 75 Jumlah Ayat

يَسْـَٔلُوْنَكَ عَنِ الْاَنْفَالِۗ قُلِ الْاَنْفَالُ لِلّٰهِ وَالرَّسُوْلِۚ فَاتَّقُوا اللّٰهَ وَاَصْلِحُوْا ذَاتَ بَيْنِكُمْ ۖوَاَطِيْعُوا اللّٰهَ وَرَسُوْلَهٗٓ اِنْ كُنْتُمْ مُّؤْمِنِيْنَ

yas'alūnaka ‘anil-anfāl(i), qulil-anfālu lillāhi war-rasūl(i), fattaqullāha wa aṣliḥū żāta bainikum, wa aṭī‘ullāha wa rasūlahū in kuntum mu'minīn(a).

Awaknyan jitanyong bak gata (Muhammad) keuhai (pembagian) barang rampasan prang. Kheun kheueh, "Rampasan prang na kheueh atra Allah ngon Rasul (meunurot keutentuan Allah ngon Rasul-Nya), maka teumakot kheueh keu Allah dan tapeugot hubongan antara tetangga gata, dan taát keu Allah ngon Rasul Gobnyan meunyoe gata ureuëng meuiman."

اِنَّمَا الْمُؤْمِنُوْنَ الَّذِيْنَ اِذَا ذُكِرَ اللّٰهُ وَجِلَتْ قُلُوْبُهُمْ وَاِذَا تُلِيَتْ عَلَيْهِمْ اٰيٰتُهٗ زَادَتْهُمْ اِيْمَانًا وَّعَلٰى رَبِّهِمْ يَتَوَكَّلُوْنَۙ

innamal-mu'minūnal-lażīna iżā żukirallāhu wajilat qulūbuhum wa iżā tuliyat ‘alaihim āyātuhū zādathum īmānaw wa ‘alā rabbihim yatawakkalūn(a).

Seubeutoi jih ureueng-ureueng nyang meuiman nakeuh ureueng-ureueng nyang hate jih meugeutar-geutar meunyoe jiseubot nan Allah, dan watee ayat-ayat Gobnyan geubeuet keu awaknyan, iman awaknyan meutamah (meukong) dan awaknyan meuharab ubak Allah mantong.

الَّذِيْنَ يُقِيْمُوْنَ الصَّلٰوةَ وَمِمَّا رَزَقْنٰهُمْ يُنْفِقُوْنَۗ

al-lażīna yuqīmūnaṣ-ṣalāta wa mimmā razaqnāhum yunfiqūn(a).

(Yaitu) ureueng nyang seumayang dan nyang peuhabéh sebagian nibak raseuki nyang kamoe bri keu awaknyan .

اُولٰۤىِٕكَ هُمُ الْمُؤْمِنُوْنَ حَقًّاۗ لَهُمْ دَرَجٰتٌ عِنْدَ رَبِّهِمْ وَمَغْفِرَةٌ وَّرِزْقٌ كَرِيْمٌۚ

ulā'ika humul-mu'minūna ḥaqqā(n), lahum darajātun ‘inda rabbihim wa magfiratuw wa rizqun karīm(un).

Awaknyan kheueh ureuëng-ureuëng nyang beutôi-beutôi meuiman. Awaknyan teuma meuteumé derajat (lambong) dikeue Tuhan awaknyan dan meuteumé amphon dan rezeki nyang mulia (nikmat).

كَمَآ اَخْرَجَكَ رَبُّكَ مِنْۢ بَيْتِكَ بِالْحَقِّۖ وَاِنَّ فَرِيْقًا مِّنَ الْمُؤْمِنِيْنَ لَكٰرِهُوْنَ

kamā akhrajaka rabbuka mim baitika bil-ḥaqq(i), wa inna farīqam minal-mu'minīna lakārihūn(a).

Lagèë Tuhan gata neupeurintah keu gata mangat gata tinggai rumoh-rumoh gata deungon keubeunaran, bah that pih saboh pihak ureuëng-ureuëng meuiman hana galak keu hai nyan.

يُجَادِلُوْنَكَ فِى الْحَقِّ بَعْدَمَا تَبَيَّنَ كَاَنَّمَا يُسَاقُوْنَ اِلَى الْمَوْتِ وَهُمْ يَنْظُرُوْنَ ۗ

yujādilūnaka fil-ḥaqqi ba‘da mā tabayyana ka'annamā yusāqūna ilal-mauti wa hum yanẓurūn(a).

Awaknyan jimeudakwa ngon gata (Ya Muhammad) keuhai keubeunaran lheueh ka jeulaih (bahwa awaknyan teuma meunang), lagee awaknyan ji-use sampoe matee watee awaknyan teungoh jikeumalon.

وَاِذْ يَعِدُكُمُ اللّٰهُ اِحْدَى الطَّاۤىِٕفَتَيْنِ اَنَّهَا لَكُمْ وَتَوَدُّوْنَ اَنَّ غَيْرَ ذَاتِ الشَّوْكَةِ تَكُوْنُ لَكُمْ وَيُرِيْدُ اللّٰهُ اَنْ يُّحِقَّ الْحَقَّ بِكَلِمٰتِهٖ وَيَقْطَعَ دَابِرَ الْكٰفِرِيْنَۙ

wa iż ya‘idukumullāhu iḥdaṭ-ṭā'ifataini annahā lakum wa tawaddūna anna gaira żātisy-syaukati takūnu lakum wa yurīdullāhu ay yuḥiqqal-ḥaqqa bikalimātihī wa yaqṭa‘a dābiral-kāfirīn(a).

Dan (ingat) watèë Allah meudjandji keu gata bahwa salah saboh nibak dua boh pihak (njang gata hadapi) akan djeuët keu atra gata, seudangkan gata meuharap njang hana seudjat djeuët keu atra gata. Teuma Allah geumeukeusud keu geupeuteuga nyang beutôi ngon tanda-tanda Gobnyan dan geupeugadoh ureuëng-ureuëng kaphé banmandum;

لِيُحِقَّ الْحَقَّ وَيُبْطِلَ الْبَاطِلَ وَلَوْ كَرِهَ الْمُجْرِمُوْنَۚ

liyuḥiqqal-ḥaqqa wa yubṭilal-bāṭila wa lau karihal-mujrimūn(a).

mangat Gobnyan geupeukong keubeunaran (Islam) dan geupeugadeh keupalsuan (syirik) bah that pih ureuëng-ureuëng meudesya hana galak keu hai nyan.

اِذْ تَسْتَغِيْثُوْنَ رَبَّكُمْ فَاسْتَجَابَ لَكُمْ اَنِّيْ مُمِدُّكُمْ بِاَلْفٍ مِّنَ الْمَلٰۤىِٕكَةِ مُرْدِفِيْنَ

iż tastagīṡūna rabbakum fastajāba lakum annī mumiddukum bi'alfim minal-malā'ikati murdifīn(a).

(Ingat kheueh) watée gata talakèe bantuan bak Tuhan gata dan Gobnyan geujaweueb gata, geupeugah, "Beutôi, Ulôn teuma lôn ba bantuan keu gata deungon siribèe malaikat, nyang teuka meugantoe-gantoe."

وَمَا جَعَلَهُ اللّٰهُ اِلَّا بُشْرٰى وَلِتَطْمَىِٕنَّ بِهٖ قُلُوْبُكُمْۗ وَمَا النَّصْرُ اِلَّا مِنْ عِنْدِ اللّٰهِ ۗاِنَّ اللّٰهَ عَزِيْزٌ حَكِيْمٌ ࣖ

wa mā ja‘alahullāhu illā busyrā wa litaṭma'inna bihī qulūbukum, wa man-naṡru illā min ‘indillāh(i), innallāha ‘azīzun ḥakīm(un).

Dan Allah hana geupeujeuet nyan seulaén haba nyang jroh, mangat mangat até gata ngon haba nyan. Dan keumeunangan hanya nibak Allah. Seusungguhjih Allah maha kuasa, maha bijaksana.

اِذْ يُغَشِّيْكُمُ النُّعَاسَ اَمَنَةً مِّنْهُ وَيُنَزِّلُ عَلَيْكُمْ مِّنَ السَّمَاۤءِ مَاۤءً لِّيُطَهِّرَكُمْ بِهٖ وَيُذْهِبَ عَنْكُمْ رِجْزَ الشَّيْطٰنِ وَلِيَرْبِطَ عَلٰى قُلُوْبِكُمْ وَيُثَبِّتَ بِهِ الْاَقْدَامَۗ

iż yugasysyīkumun-nu‘āsa amanatam minhu wa yunazzilu ‘alaikum minas-samā'i mā'al liyuṭahhirakum bihī wa yużhiba ‘ankum rijzasy-syaiṭāni wa liyarbiṭa ‘alā qulūbikum wa yuṡabbita bihil-aqdām(a).

(Ingat), watee Allah geupeuteungeut gata keu geubri keu gata dame nibak Gobnyan, dan Allah geupeutron ie (ujeuen) ateuh gata nibak langet keu geupeugleh gata ngon ie nyan (ujeuen) dan geupeugadeh karu-karu Iblis nibak gata dan keu geupeukong hate gata dan geupeukong taloe gaki gata (teuga).

اِذْ يُوْحِيْ رَبُّكَ اِلَى الْمَلٰۤىِٕكَةِ اَنِّيْ مَعَكُمْ فَثَبِّتُوا الَّذِيْنَ اٰمَنُوْاۗ سَاُلْقِيْ فِيْ قُلُوْبِ الَّذِيْنَ كَفَرُوا الرُّعْبَ فَاضْرِبُوْا فَوْقَ الْاَعْنَاقِ وَاضْرِبُوْا مِنْهُمْ كُلَّ بَنَانٍۗ

iż yūḥī rabbuka ilal-malā'ikati annī ma‘akum fa ṡabbitul-lażīna āmanū, sa'ulqī fī qulūbil-lażīna kafarur-ru‘ba faḍribū fauqal-a‘nāqi waḍribū minhum kulla banān(in).

(Ingat kheueh), watée Tuhan gata neupeutrôn ubak malaikat-malaikat, "Seubeutoi jih Ulôn na meusajan gata, sabab nyan, peukong kheueh (sikap) ureuëng-ureuëng nyang ka meuiman." Bak saboh uroë ulôn peutamong teumakôt lam haté ureuëng-ureuëng kaphé, maka ulôn poh awaknyan di ateueh takuë dan ulôn poh tieb-tieb ujong jaroë awaknyan.

ذٰلِكَ بِاَنَّهُمْ شَاۤقُّوا اللّٰهَ وَرَسُوْلَهٗۚ وَمَنْ يُّشَاقِقِ اللّٰهَ وَرَسُوْلَهٗ فَاِنَّ اللّٰهَ شَدِيْدُ الْعِقَابِ

Żālika bi'annahum syāqqullāha wa rasūlah(ū), wa may yusyāqiqillāha wa rasūlahū fa innallāha syadīdul-‘iqāb(i).

Lagèë njan (beunteuëng) sabab awaknjan seubeutôijih djilawan Allah dan Rasul; dan sibarangkasoë njang lawan Allah dan Rasul, keubit, Allah teuma neubri azeueb njang brat that keu ureuëng njan.

ذٰلِكُمْ فَذُوْقُوْهُ وَاَنَّ لِلْكٰفِرِيْنَ عَذَابَ النَّارِ

Żālikum fa żūqūhu wa anna lil-kāfirīna ‘ażāban-nār(i).

Meunan keuh (azab donya geubri keu gata), maka tarasa azab nyan. Seusungguhjih keu ureueng-ureueng nyang kaphe na (keulai) azab nuraka.

يٰٓاَيُّهَا الَّذِيْنَ اٰمَنُوْٓا اِذَا لَقِيْتُمُ الَّذِيْنَ كَفَرُوْا زَحْفًا فَلَا تُوَلُّوْهُمُ الْاَدْبَارَۚ

yā ayyuhal-lażīna āmanū iżā laqītumul-lażīna kafarū zaḥfan falā tuwallūhumul-adbār(a).

Hai ureuëng-ureuëng meuiman! Meunyo gata meurumpok ngon ureueng-ureueng nyang hana meuiman nyang keuneuk jijak seurang gata, maka bek kheueh gata tapeu-ulang awaknyan (back away).

وَمَنْ يُّوَلِّهِمْ يَوْمَىِٕذٍ دُبُرَهٗٓ اِلَّا مُتَحَرِّفًا لِّقِتَالٍ اَوْ مُتَحَيِّزًا اِلٰى فِئَةٍ فَقَدْ بَاۤءَ بِغَضَبٍ مِّنَ اللّٰهِ وَمَأْوٰىهُ جَهَنَّمُ ۗ وَبِئْسَ الْمَصِيْرُ

wa may yuwallihim yauma'iżin duburahū illā mutaḥarrifal liqitālin au mutaḥayyizan ilā fi'atin faqad bā'a bigaḍabim minallāhi wa ma'wāhu jahannam(u), wa bi'sal-maṣīr(u).

Dan soë mantong njang surôt bak watèë njan, keutjuali meunjo djih djidjak meu-ubah keu (strategi keu) prang atawa djikeuneuk meusapat deungon teuntra laén, maka beutôi-beutôi, ureuëng njan djiwoë deungon beungèh nibak Allah, dan teumpat djih nakeuh Nuraka, teumpat njang paléng brok keu djiwoë.

فَلَمْ تَقْتُلُوْهُمْ وَلٰكِنَّ اللّٰهَ قَتَلَهُمْۖ وَمَا رَمَيْتَ اِذْ رَمَيْتَ وَلٰكِنَّ اللّٰهَ رَمٰىۚ وَلِيُبْلِيَ الْمُؤْمِنِيْنَ مِنْهُ بَلَاۤءً حَسَنًاۗ اِنَّ اللّٰهَ سَمِيْعٌ عَلِيْمٌ

falam taqtulūhum wa lākinnallāha qatalahum, wa mā ramaita iż ramaita wa lākinallāha ramā, wa liyubliyal-mu'minīna minhu balā'an ḥasanā(n), innallāha samī‘un ‘alīm(un).

Jadi (keunyataan jih) kon gata nyang poh awaknyan, tapi Allah nyang poh awaknyan, dan kon gata nyang rhom watee gata rhom, tapi Allah nyang rhom. (Allah geupubuët lagèë njan keu geupeubinasa awaknjan) dan keu geubri keumeunangan keu ureuëng-ureuëng njang meuiman, deungon keumeunangan njang djroh. Seusungguhjih Allah maha geudeungo dan maha geuteupeue.

ذٰلِكُمْ وَاَنَّ اللّٰهَ مُوْهِنُ كَيْدِ الْكٰفِرِيْنَ

Żālikum wa annallāha mūhinu kaidil-kāfirīn(a).

Meunan keuh (rahmat Allah neubri keu gata), dan seusungguhjih, Allah geupeuleumoh tipèë ureuëng kaphé.

اِنْ تَسْتَفْتِحُوْا فَقَدْ جَاۤءَكُمُ الْفَتْحُۚ وَاِنْ تَنْتَهُوْا فَهُوَ خَيْرٌ لَّكُمْۚ وَاِنْ تَعُوْدُوْا نَعُدْۚ وَلَنْ تُغْنِيَ عَنْكُمْ فِئَتُكُمْ شَيْـًٔا وَّلَوْ كَثُرَتْۙ وَاَنَّ اللّٰهَ مَعَ الْمُؤْمِنِيْنَ ࣖ

in tastaftiḥū faqad jā'akumul-fatḥ(u), wa in tantahū fa huwa khairul lakum, wa in ta‘ūdū na‘ud, wa lan tugniya ‘ankum fi'atukum syai'aw wa lau kaṡurat, wa anallāha ma‘al-mu'minīn(a).

Meunjoë gata lakèë keuputosan, maka beutôi-beutôi keuputosan njan ka trôh bak gata; dan meunjo gata tapeutheun (meumusoh deungon Rasul), maka njan leubèh djroh keu gata; dan meunjo gata neuwoë, kamoë teuntèë akan kamoë woë (untôk bri bantuan); dan pasukan droëneuh njan hana djeuët neulawan bahaja njang ubit nibak droëneuh njan, bah that pih awaknjan (pasukan) le that. Seusungguhjih Allah na sajan ureueng-ureueng meuiman.

يٰٓاَيُّهَا الَّذِيْنَ اٰمَنُوْٓا اَطِيْعُوا اللّٰهَ وَرَسُوْلَهٗ وَلَا تَوَلَّوْا عَنْهُ وَاَنْتُمْ تَسْمَعُوْنَ

yā ayyuhal-lażīna āmanū aṭī‘ullāha wa rasūlahū wa lā tawallau ‘anhu wa antum tasma‘ūn(a).

Hai ureuëng-ureuëng nyang meuiman! Taát kheueh keu Allah ngön Rasul-Nya, dan bék gata tinggai Gobnyan, bah pih gata deungoe (peurintah-geuh), .

وَلَا تَكُوْنُوْا كَالَّذِيْنَ قَالُوْا سَمِعْنَا وَهُمْ لَا يَسْمَعُوْنَۚ

wa lā takūnū kal-lażīna qālū sami‘nā wa hum lā yasma‘ūn(a).

dan bék kheueh lagée ureuëng-ureuëng (ureuëng munafik) nyang jipeugah, "Kamoe deungoe," bah kheueh awaknyan hana jideungoe (sabab até awaknyan jitulak).

۞ اِنَّ شَرَّ الدَّوَاۤبِّ عِنْدَ اللّٰهِ الصُّمُّ الْبُكْمُ الَّذِيْنَ لَا يَعْقِلُوْنَ

inna syarrad-dawābbi ‘indallāhiṣ-ṣummul-bukmul-lażīna lā ya‘qilūn(a).

Seusunggujih makheuluk hudép njang paléng djeuheut di sisi Allah nakeuh ureuëng-ureuëng njang tuloë dan bilu (hana djideungö atawa hana djimeuphôm peukara njang beutôi), nyakni ureuëng-ureuëng njang hana muphôm.

وَلَوْ عَلِمَ اللّٰهُ فِيْهِمْ خَيْرًا لَّاَسْمَعَهُمْۗ وَلَوْ اَسْمَعَهُمْ لَتَوَلَّوْا وَّهُمْ مُّعْرِضُوْنَ

wa lau ‘alimallāhu fīhim khairal la'asma‘ahum, wa lau asma‘ahum latawallau wa hum mu‘riḍūn(a).

Dan meunyoe Allah neuteupue na nyang jroh lam awaknyan, maka Neupeujeuet awaknyan jeuet jideungoe. Dan meunyoe Allah geupeujeuet awaknyan hase jideungoe, awaknyan ka jimeu-ulang-ulang, seudangkan awaknyan ji-ulang-ulang.

يٰٓاَيُّهَا الَّذِيْنَ اٰمَنُوا اسْتَجِيْبُوْا لِلّٰهِ وَلِلرَّسُوْلِ اِذَا دَعَاكُمْ لِمَا يُحْيِيْكُمْۚ وَاعْلَمُوْٓا اَنَّ اللّٰهَ يَحُوْلُ بَيْنَ الْمَرْءِ وَقَلْبِهٖ وَاَنَّهٗٓ اِلَيْهِ تُحْشَرُوْنَ

yā ayyuhal-lażīna āmanustajībū lillāhi wa lir-rasūli iżā da‘ākum limā yuḥyīkum, wa‘lamū annallāha yaḥūlu bainal-mar'i wa qalbihī wa annahū ilaihi tuḥsyarūn(a).

Hai ureuëng-ureuëng nyang meuiman! Peujak kheueh seruan Allah dan Rasul, watee Gobnyan geutawök gata keu sapeue-sapeue nyang peu udep gata, dan tateupeue kheueh bahwa Allah ka geupeujeuet bataih antara manusia ngon hate jih dan seubeutoi jih keu Gobnyan gata teuma tapeusapat.

وَاتَّقُوْا فِتْنَةً لَّا تُصِيْبَنَّ الَّذِيْنَ ظَلَمُوْا مِنْكُمْ خَاۤصَّةً ۚوَاعْلَمُوْٓا اَنَّ اللّٰهَ شَدِيْدُ الْعِقَابِ

wattaqū fitnatal lā tuṣībannal-lażīna ẓalamū minkum khāṣṣah(tan), wa‘lamū annallāha syadīdul-‘iqāb(i).

Dan beujaga kheueh droe gata nibak siksaan nyang hana teuma rhot ateueh ureuëng-ureuëng lamkawan gata mantong nyang meu-ulang-ulang. Beuteupeue bahwa Allah brat that azeub.

وَاذْكُرُوْٓا اِذْ اَنْتُمْ قَلِيْلٌ مُّسْتَضْعَفُوْنَ فِى الْاَرْضِ تَخَافُوْنَ اَنْ يَّتَخَطَّفَكُمُ النَّاسُ فَاٰوٰىكُمْ وَاَيَّدَكُمْ بِنَصْرِهٖ وَرَزَقَكُمْ مِّنَ الطَّيِّبٰتِ لَعَلَّكُمْ تَشْكُرُوْنَ

ważkurū iż antum qalīlum mustaḍ‘afūna fil-arḍi takhāfūna ay yatakhaṭṭafakumun-nāsu fa āwākum wa ayyadakum binaṣrihī wa razaqakum minaṭ-ṭayyibāti la‘allakum tasykurūn(a).

Dan ingat, watèë gata (Muhajirin) mantong (dalam) jumlah njang ubit, djitindéh di ateuëh bumoë (Mekkah), dan gata teumakôt keu ureuëng-ureuëng (Mekkah) djiculik gata, maka Gobnjan geubri keu gata teumpat tinggai (Madinah) dan Gobnjan geupeukong gata deungon bantuan Gobnjan dan Gobnjan geubri rezeki njang djroh keu gata supaja gata djeuët keu.

يٰٓاَيُّهَا الَّذِيْنَ اٰمَنُوْا لَا تَخُوْنُوا اللّٰهَ وَالرَّسُوْلَ وَتَخُوْنُوْٓا اَمٰنٰتِكُمْ وَاَنْتُمْ تَعْلَمُوْنَ

yā ayyuhal-lażīna āmanū lā takhūnullāha war-rasūla wa takhūnū amānātikum wa antum ta‘lamūn(a).

Hai ureuëng-ureuëng nyang meuiman! Bek ta khianat keu Allah dan Rasul dan (seureuta) bek ta khianat keu amanah nyang ka geu peucaya keu gata, seudangkan gata ka ta teupeue.

وَاعْلَمُوْٓا اَنَّمَآ اَمْوَالُكُمْ وَاَوْلَادُكُمْ فِتْنَةٌ ۙوَّاَنَّ اللّٰهَ عِنْدَهٗٓ اَجْرٌ عَظِيْمٌ ࣖ

wa‘lamū annamā amwālukum wa aulādukum fitnah(tun), wa annallāha ‘indahū ajrun ‘aẓīm(un).

Dan neuteupeuë bahwa hareuta gata dan hareuta aneuk-aneuk gata njan nakeuh saboh cobaan mantong dan seusungguhjih bak Allah na pahla njang rajek that.

يٰٓاَيُّهَا الَّذِيْنَ اٰمَنُوْٓا اِنْ تَتَّقُوا اللّٰهَ يَجْعَلْ لَّكُمْ فُرْقَانًا وَّيُكَفِّرْ عَنْكُمْ سَيِّاٰتِكُمْ وَيَغْفِرْ لَكُمْۗ وَاللّٰهُ ذُو الْفَضْلِ الْعَظِيْمِ

yā ayyuhal-lażīna āmanū in tattaqullāha yaj‘al lakum furqānaw wa yukaffir ‘ankum sayyi'ātikum wa yagfir lakum, wallāhu żul-faḍlil-‘aẓīm(i).

Hai ureuëng-ureuëng nyang meuiman! Meunyo gata teumakot keu Allah, pasti Gobnyan akan geubri keu gata furqan (keumampuan untuk tapeubeda nyang beutoi ngon nyang salah) dan geusampôh mandum keusalahan gata dan geupeu amphon gata (desya-desya gata). Po teu Allah na karunia-karunia nyang raya.

وَاِذْ يَمْكُرُ بِكَ الَّذِيْنَ كَفَرُوْا لِيُثْبِتُوْكَ اَوْ يَقْتُلُوْكَ اَوْ يُخْرِجُوْكَۗ وَيَمْكُرُوْنَ وَيَمْكُرُ اللّٰهُ ۗوَاللّٰهُ خَيْرُ الْمٰكِرِيْنَ

wa iż yamkuru bikal-lażīna kafarū liyuṡbitūka au yaqtulūka au yukhrijūk(a), wa yamkurūna wa yamkurullāh(u), wallāhu khairul-mākirīn(a).

Dan (ingat), watèë ureuëng-ureuëng kaphé (Quraisy) djipiké keuneuk peugot rancana ateuëh droëneuh (Muhammad) untôk djidrop dan djipeugot droëneuh dalam glab atawa djipoh droëneuh, atawa dji-use droëneuh. Awaknyan jipeugot tipée daya dan Allah geupeugagal tipée daya nyan. Allah peumbalasan nyang paleng get keu peungeut.

وَاِذَا تُتْلٰى عَلَيْهِمْ اٰيٰتُنَا قَالُوْا قَدْ سَمِعْنَا لَوْ نَشَاۤءُ لَقُلْنَا مِثْلَ هٰذَآ ۙاِنْ هٰذَآ اِلَّآ اَسَاطِيْرُ الْاَوَّلِيْنَ

wa iżā tutlā ‘alaihim āyātunā qālū qad sami‘nā lau nasyā'u laqulnā miṡla hāżā, in hāżā illā asāṭīrul-awwalīn(a).

Dan watèë ayat-ayat kamoë ka djibaca keu awaknjan, awaknjan djipeugah, "Memang kamoë ka kamoë deungö (ayat-ayat lagèë njoë), meunjo kamoë meuheut ka pasti kamoë djeuët tabaca sapeuë-sapeuë lagèë njoë. Njoë (Al-Qur'an) kon laén nibak kisah ureuëng-ureuëng tuha."

وَاِذْ قَالُوا اللّٰهُمَّ اِنْ كَانَ هٰذَا هُوَ الْحَقَّ مِنْ عِنْدِكَ فَاَمْطِرْ عَلَيْنَا حِجَارَةً مِّنَ السَّمَاۤءِ اَوِ ائْتِنَا بِعَذَابٍ اَلِيْمٍ

wa iż qālullāhumma in kāna hāżā huwal-ḥaqqa min ‘indika fa amṭir ‘alainā ḥijāratam minas-samā'i awi'tinā bi‘ażābin alīm(in).

Dan (ingat kheueh), watée awaknyan (ureueng-ureueng musyrék) jipeugah, "Ya Allah, meunyoe nyoe (Al-Qur'an) beutoi (wahyu) nibak Droeneueh, maka neupeujeuet kheueh kamoe ngon batée-batée nibak langét, atawa neupeutron kheueh ateueh kamoe huköman nyang peudeh that."

وَمَا كَانَ اللّٰهُ لِيُعَذِّبَهُمْ وَاَنْتَ فِيْهِمْۚ وَمَا كَانَ اللّٰهُ مُعَذِّبَهُمْ وَهُمْ يَسْتَغْفِرُوْنَ

wa mā kānallāhu liyu‘ażżibahum wa anta fīhim, wa mā kānallāhu mu‘ażżibahum wa hum yastagfirūn(a).

Teuma Allah hana geubri hukôman keu awaknjan, seulama droëneuh (Muhammad) na dalam kawan awaknjan. Dan Allah hana (cit) geubri huköm keu awaknjan, seudangkan awaknjan (mantong) djilakèë amphon.

وَمَا لَهُمْ اَلَّا يُعَذِّبَهُمُ اللّٰهُ وَهُمْ يَصُدُّوْنَ عَنِ الْمَسْجِدِ الْحَرَامِ وَمَا كَانُوْٓا اَوْلِيَاۤءَهٗۗ اِنْ اَوْلِيَاۤؤُهٗٓ اِلَّا الْمُتَّقُوْنَ وَلٰكِنَّ اَكْثَرَهُمْ لَا يَعْلَمُوْنَ

wa mā lahum allā yu‘ażżibahumullāhu wa hum yaṣuddūna ‘anil-masjidil-ḥarāmi wa mā kānū auliyā'ah(ū), in auliyā'uhū illal-muttaqūna wa lākinna akṡarahum lā ya‘lamūn(a).

Dan pakon Allah hana geubri hukôman keu awaknjan bahthatpih awaknjan djipeutheun (ureuëng) nibak (djak saweuë) Meuseujid Rajek dan awaknjan kon ureuëng njang na hak keu djikuasai njan? Ureueng nyang na hak keu geukuasai nyan nakeuh ureueng nyang taqwa, tapi sebagian rayeuk hana geuteupeue.

وَمَا كَانَ صَلَاتُهُمْ عِنْدَ الْبَيْتِ اِلَّا مُكَاۤءً وَّتَصْدِيَةًۗ فَذُوْقُوا الْعَذَابَ بِمَا كُنْتُمْ تَكْفُرُوْنَ

wa mā kāna ṣalātuhum ‘indal-baiti illā mukā'aw wa taṣdiyah(tan), fa żūqul-‘ażāba bimā kuntum takfurūn(a).

Dan seumayang awaknjan di seulingka Baitullah njan hana laén nibak siulét dan meu-ulang-ulang. Jadi rasakanlah azab nyang diseubabkan le kafe gata.

اِنَّ الَّذِيْنَ كَفَرُوْا يُنْفِقُوْنَ اَمْوَالَهُمْ لِيَصُدُّوْا عَنْ سَبِيْلِ اللّٰهِ ۗفَسَيُنْفِقُوْنَهَا ثُمَّ تَكُوْنُ عَلَيْهِمْ حَسْرَةً ثُمَّ يُغْلَبُوْنَ ەۗ وَالَّذِيْنَ كَفَرُوْٓا اِلٰى جَهَنَّمَ يُحْشَرُوْنَۙ

innal-lażīna kafarū yunfiqūna amwālahum liyaṣuddū ‘an sabīlillāh(i), fa sayunfiqūnahā ṡumma takūnu ‘alaihim ḥasratan ṡumma yuglabūn(a), wal-lażīna kafarū ilā jahannama yuḥsyarūn(a).

Sesungguhjih ureueng-ureueng nyang kaphé jipeuhabéh hareuta jih keu jipeuhalang (ureueng-ureueng) nibak jalan Allah. Awak njan akan (teutap) djipeu-abeh hareuta njan, lheuëh njan akan djiseusal keudroëdjih, dan akhédjih awak njan akan taloë. U dalam Nuraka teuma geupeusapat ureueng-ureueng nyang kaphé;

لِيَمِيْزَ اللّٰهُ الْخَبِيْثَ مِنَ الطَّيِّبِ وَيَجْعَلَ الْخَبِيْثَ بَعْضَهٗ عَلٰى بَعْضٍ فَيَرْكُمَهٗ جَمِيْعًا فَيَجْعَلَهٗ فِيْ جَهَنَّمَۗ اُولٰۤىِٕكَ هُمُ الْخٰسِرُوْنَ ࣖ

liyamīzallāhul-khabīṡa minaṭ-ṭayyibi wa yaj‘alal-khabīṡa ba‘ḍahū ‘alā ba‘ḍin fa yarkumahū jamī‘an fa yaj‘alahū fī jahannam(a), ulā'ika humul-khāsirūn(a).

sehingga Allah geupeupisah (kelompok) nyang brok nibak nyang jroh dan geupeujeuet padum-padum boh (kelompok) nyang brok di ateueh nyang laen, lheuhnyan Gobnyan geutumpôk mandum, dan geupeutamong awaknyan lam nuraka. Awaknyan kheueh nyang taloe.

قُلْ لِّلَّذِيْنَ كَفَرُوْٓا اِنْ يَّنْتَهُوْا يُغْفَرْ لَهُمْ مَّا قَدْ سَلَفَۚ وَاِنْ يَّعُوْدُوْا فَقَدْ مَضَتْ سُنَّتُ الْاَوَّلِيْنَ

qul lil-lażīna kafarū in yantahū yugfar lahum mā qad salaf(a), wa iy ya‘ūdū faqad maḍat sunnatul-awwalīn(a).

Peugah bak ureueng-ureueng nyang kaphe (Abu Sufyan dan sahabat-sahabat gobnyan), "Meunyoe awaknyan jipiyoh (dari keukapheran awaknyan), Allah pasti geupeu amphon desya-desya awaknyan nyang ka leupah; dan meunyoe awaknyan jiwoe lom (keu jimuprang ngon Nabi) deungon beutoi, (keu awaknyan) sunnah (Allah ateuh) ureueng-ureueng jameun (ka hanco) berlaku."

وَقَاتِلُوْهُمْ حَتّٰى لَا تَكُوْنَ فِتْنَةٌ وَّيَكُوْنَ الدِّيْنُ كُلُّهٗ لِلّٰهِۚ فَاِنِ انْتَهَوْا فَاِنَّ اللّٰهَ بِمَا يَعْمَلُوْنَ بَصِيْرٌ

wa qātilūhum ḥattā lā takūna fitnatuw wa yakunad-dīnu kulluhū lillāh(i),fa inintahau fa innallāha bimā ya‘malūna baṣīr(un).

Dan prang kheueh awaknyan sampoe hana le fitnah, dan agama nyan atra Allah mantong. Meunyoe awaknyan jipiyoh (nibak kupheur), maka ka teuntée Allah Maha Neukalon peue nyang awaknyan peubuet.

وَاِنْ تَوَلَّوْا فَاعْلَمُوْٓا اَنَّ اللّٰهَ مَوْلٰىكُمْ ۗنِعْمَ الْمَوْلٰى وَنِعْمَ النَّصِيْرُ ۔

wa in tawallau fa‘lamū annallāha maulākum, ni‘mal-maulā wa ni‘man-naṣīr(u).

Dan meunyoe awaknyan jipeulikot, beuteupeue kheueh Allah nyang peulindong gata. Gobnyan kheueh peulindong nyang paleng jroh dan peubantu nyang paleng jroh.

۞ وَاعْلَمُوْٓا اَنَّمَا غَنِمْتُمْ مِّنْ شَيْءٍ فَاَنَّ لِلّٰهِ خُمُسَهٗ وَلِلرَّسُوْلِ وَلِذِى الْقُرْبٰى وَالْيَتٰمٰى وَالْمَسٰكِيْنِ وَابْنِ السَّبِيْلِ اِنْ كُنْتُمْ اٰمَنْتُمْ بِاللّٰهِ وَمَآ اَنْزَلْنَا عَلٰى عَبْدِنَا يَوْمَ الْفُرْقَانِ يَوْمَ الْتَقَى الْجَمْعٰنِۗ وَاللّٰهُ عَلٰى كُلِّ شَيْءٍ قَدِيْرٌ

wa‘lamū annamā ganimtum min syai'in fa anna lillāhi khumusahū wa lir-rasūli wa liżil-qurbā wal-yatāmā wal-masākīni wabnis-sabīli in kuntum āmantum billāhi wa mā anzalnā ‘alā ‘abdinā yaumal-furqāni yaumal-taqal-jam‘ān(i), wallāhu ‘alā kulli syai'in qadīr(un).

Dan teupeuë, beutôi-beutôi, peuë mantong njang gata teumeung sibagoë rampasan prang, maka siper limong nakeuh keu Allah, Rasul, keuluarga Rasul, aneuk yatim, ureuëng gasien dan Ibnu Sabil, (meunan keuh) meunjo gata meuiman keu Allah dan keu peuë njang Kamoë peutrôn keu hamba kamoë (Muhammad) bak uroë na arlyme bak uroë dua Furlymi. Allah maha kuasa ateuh peue-peue mantong.

اِذْ اَنْتُمْ بِالْعُدْوَةِ الدُّنْيَا وَهُمْ بِالْعُدْوَةِ الْقُصْوٰى وَالرَّكْبُ اَسْفَلَ مِنْكُمْۗ وَلَوْ تَوَاعَدْتُّمْ لَاخْتَلَفْتُمْ فِى الْمِيْعٰدِۙ وَلٰكِنْ لِّيَقْضِيَ اللّٰهُ اَمْرًا كَانَ مَفْعُوْلًا ەۙ لِّيَهْلِكَ مَنْ هَلَكَ عَنْۢ بَيِّنَةٍ وَّيَحْيٰى مَنْ حَيَّ عَنْۢ بَيِّنَةٍۗ وَاِنَّ اللّٰهَ لَسَمِيْعٌ عَلِيْمٌۙ

iż antum bil-‘udwatid-dun-yā wa hum bil-‘udwatil-quṣwā war-rakbu asfala minkum, wa lau tawā‘attum lakhtalaftum fil-mī‘ād(i), wa lākil liyaqḍiyallāhu amran kāna maf‘ūlā(n), liyahlika man halaka ‘am bayyinatiw wa yaḥyā may ḥayya ‘am bayyinah(tin), wa innallāha lasamī‘un ‘alīm(un).

(Maknajih) watèë gata na di binèh glé njang toë dan awaknjan na di binèh glé njang djeuôh dan kafilah njan leubèh mijub nibak gata. Meunjo kamoë meupakat (untôk peuteuntèë uroë prang), teuntèë kamoë akan na peundapat njang meubida-bida dalam peuteuntèë (uroë prang), teutapi Allah neukeuneuk peudjak saboh peukara njang wadjéb neupeudjak, njakni supaja ureuëng njang teungoh binasa njan binasa deungon dalil njang trang dan supaja ureuëng njang mantong hudép akan hudép deungon dalil njang nyata. Seusungguhjih Allah maha geudeungo dan maha geuteupeue.

اِذْ يُرِيْكَهُمُ اللّٰهُ فِيْ مَنَامِكَ قَلِيْلًاۗ وَلَوْ اَرٰىكَهُمْ كَثِيْرًا لَّفَشِلْتُمْ وَلَتَنَازَعْتُمْ فِى الْاَمْرِ وَلٰكِنَّ اللّٰهَ سَلَّمَۗ اِنَّهٗ عَلِيْمٌۢ بِذَاتِ الصُّدُوْرِ

iż yurīkahumullāhu fī manāmika qalīlā(n), wa lau arākahum kaṡīral lafasyiltum wa latanāza‘tum fil-amri wa lākinnallāha sallam(a), innahū ‘alīmum biżātiṣ-ṣudūr(i).

(Ingat) watee Allah geupeuleumah awaknyan lam lumpo gata (lam jumlah) awaknyan bacut. Dan meunjo Allah ka geupeuleumah bak awaknjan (deungon jeumeulah njang rajek) gata akan teumakôt dan teuntèë gata akan tapeugah haba teuntang peukara njan, teutapi Allah ka geupeuseulamat gata. Seusungguh jih Allah geuteupue peue nyang na lam até gata.

وَاِذْ يُرِيْكُمُوْهُمْ اِذِ الْتَقَيْتُمْ فِيْٓ اَعْيُنِكُمْ قَلِيْلًا وَّيُقَلِّلُكُمْ فِيْٓ اَعْيُنِهِمْ لِيَقْضِيَ اللّٰهُ اَمْرًا كَانَ مَفْعُوْلًا ۗوَاِلَى اللّٰهِ تُرْجَعُ الْاُمُوْرُ ࣖ

wa iż yurīkumūhum iżil-taqaitum fī a‘yunikum qalīlaw wa yuqallilukum fī a‘yunihim liyaqḍiyallāhu amran kāna maf‘ūlā(n), wa ilallāhi turja‘ul-umūr(u).

Dan watèë Allah neupeuleumah awaknjan keu gata, watèë gata meurumpok deungon awaknjan deungon jeumeulah njang ubit meunurôt mata gata dan gata neupeuleumah deungon jeumeulah njang ubit meunurôt mata awaknjan, njan sabab Allah keuneuk peudjak saboh peukara njang wajéb neupeudjak. Hanya keu Allah mandum peukara geupulang.

يٰٓاَيُّهَا الَّذِيْنَ اٰمَنُوْٓا اِذَا لَقِيْتُمْ فِئَةً فَاثْبُتُوْا وَاذْكُرُوا اللّٰهَ كَثِيْرًا لَّعَلَّكُمْ تُفْلِحُوْنَۚ

yā ayyuhal-lażīna āmanū iżā laqītum fi'atan faṡbutū ważkurullāha kaṡīral la‘allakum tufliḥūn(a).

Hai ureuëng-ureuëng nyang meuiman! Meunyo meurumpok pasukan (musoh), maka beu teuga dan tapeugah (nan) Allah le that (dhikr dan meudo’a) supaya gata beu naseb.

وَاَطِيْعُوا اللّٰهَ وَرَسُوْلَهٗ وَلَا تَنَازَعُوْا فَتَفْشَلُوْا وَتَذْهَبَ رِيْحُكُمْ وَاصْبِرُوْاۗ اِنَّ اللّٰهَ مَعَ الصّٰبِرِيْنَۚ

wa aṭī‘ullāha wa rasūlahū wa lā tanāza‘ū fa tafsyalū wa tażhaba rīḥukum waṣbirū, innallāha ma‘aṣ-ṣābirīn(a).

Dan ta’at keu Allah dan Rasul dan bèk ta meudakwa, njan keuh njang peugot gata teumakôt dan teunaga gata gadôh dan ta saba. Sesungguhjih Allah na meusajan ureueng-ureueng nyang saba.

وَلَا تَكُوْنُوْا كَالَّذِيْنَ خَرَجُوْا مِنْ دِيَارِهِمْ بَطَرًا وَّرِئَاۤءَ النَّاسِ وَيَصُدُّوْنَ عَنْ سَبِيْلِ اللّٰهِ ۗوَاللّٰهُ بِمَايَعْمَلُوْنَ مُحِيْطٌ

wa lā takūnū kal-lażīna kharajū min diyārihim baṭaraw wa ri'ā'an-nāsi wa yaṣuddūna ‘an sabīlillāh(i), wallāhu bimā ya‘malūna muḥīṭ(un).

Dan bèk lagèë ureuëng-ureuëng njan njang djitinggai kampong droëdjih deungon rasa sombong dan meuheut djipujoë lé ureuëng (ria) dan djihalang (ureuëng) nibak djalan Allah. Allah geutôb mandum buet awaknyan .

وَاِذْ زَيَّنَ لَهُمُ الشَّيْطٰنُ اَعْمَالَهُمْ وَقَالَ لَا غَالِبَ لَكُمُ الْيَوْمَ مِنَ النَّاسِ وَاِنِّيْ جَارٌ لَّكُمْۚ فَلَمَّا تَرَاۤءَتِ الْفِئَتٰنِ نَكَصَ عَلٰى عَقِبَيْهِ وَقَالَ اِنِّيْ بَرِيْۤءٌ مِّنْكُمْ اِنِّيْٓ اَرٰى مَا لَا تَرَوْنَ اِنِّيْٓ اَخَافُ اللّٰهَ ۗوَاللّٰهُ شَدِيْدُ الْعِقَابِ ࣖ

wa iż zayyana lahumusy-syaiṭānu a‘mālahum wa qāla lā gāliba lakumul-yauma minan-nāsi wa innī jārul lakum, falammā tarā'atil-fi'atāni nakaṣa ‘alā ‘aqibaihi wa qāla innī barī'um minkum innī arā mā lā tarauna innī akhāfullāh(a), wallāhu syadīdul-‘iqāb(i).

Dan (ingat kheueh) watée Iblih geupeujeuet buet-buet awaknyan (desya) deuh jih lagak that ubak awaknyan dan geupeugah, "Hana meusidroe pih (ureueng) nyang hase jipeutaloe gata uroenyoe, dan beutoi, Ulôn na kheueh peunulong gata." Jadi watee dua boh pasokan nyan ka saleng meungieng (meuhadap muka), Iblih geugisa dan geupeugah, "Beutoi that lon ka meupisah ngon gata; lon hase lon kalon peue nyang hana hase gata kalon; beutôi that lon teumakot ubak Allah." Allah that brat neubri azeub.

اِذْ يَقُوْلُ الْمُنٰفِقُوْنَ وَالَّذِيْنَ فِيْ قُلُوْبِهِمْ مَّرَضٌ غَرَّ هٰٓؤُلَاۤءِ دِيْنُهُمْۗ وَمَنْ يَّتَوَكَّلْ عَلَى اللّٰهِ فَاِنَّ اللّٰهَ عَزِيْزٌ حَكِيْمٌ

iż yaqūlul-munāfiqūna wal-lażīna fī qulūbihim maraḍun garra hā'ulā'i dīnuhum, wa may yatawakkal ‘alallāhi fa innallāha ‘azīzun ḥakīm(un).

(Ingat), watee ureueng-ureueng munafek dan ureueng-ureueng nyang na peunyaket lam hate awaknyan jipeugah, "Awaknyan (ureueng-ureueng meuiman) ka jipeungeut lam agama awaknyan." (Allah meufeureuman), "Sibarangkasoe nyang meuharab keu Allah, beu jiteupeue bahwa Allah Maha Kuasa, Maha Bijaksana."

وَلَوْ تَرٰٓى اِذْ يَتَوَفَّى الَّذِيْنَ كَفَرُوا الْمَلٰۤىِٕكَةُ يَضْرِبُوْنَ وُجُوْهَهُمْ وَاَدْبَارَهُمْۚ وَذُوْقُوْا عَذَابَ الْحَرِيْقِ

wa lau tarā iż yatawaffal-lażīna kafarul-malā'ikatu yaḍribūna wujūhahum wa adbārahum, wa żūqū ‘ażābal-ḥarīq(i).

Dan meunyo gata takalon watee malaikat-malaikat jicok nyawong ureueng-ureueng nyang kaphe, jipoh muka ngon punggong awaknyan (dan jipeugah), "Rasa kheueh gata siksaan nuraka nyang tutong."

ذٰلِكَ بِمَا قَدَّمَتْ اَيْدِيْكُمْ وَاَنَّ اللّٰهَ لَيْسَ بِظَلَّامٍ لِّلْعَبِيْدِۙ

Żālika bimā qaddamat aidīkum wa annallāha laisa biẓallāmil lil-‘abīd(i).

Nyan sabab buet jaroe gata keudroe. Dan sesungguhjih Allah hana neu zam hamba-hamba neuh, .

كَدَأْبِ اٰلِ فِرْعَوْنَۙ وَالَّذِيْنَ مِنْ قَبْلِهِمْۗ كَفَرُوْا بِاٰيٰتِ اللّٰهِ فَاَخَذَهُمُ اللّٰهُ بِذُنُوْبِهِمْۗ اِنَّ اللّٰهَ قَوِيٌّ شَدِيْدُ الْعِقَابِ

kada'bi āli fir‘aun(a), wal-lażīna min qablihim, kafarū bi'āyātillāhi fa akhażahumullāhu biżunūbihim, innallāha qawiyyun syadīdul-‘iqāb(i).

(Keuadaan awaknjan) saban lagèë keuadaan ureuëng-ureuëng njang seutôt Fir’aun dan ureuëng-ureuëng njang ka ulikôt nibak awaknjan. Awaknyan jibantah ayat-ayat Allah, makajih Allah neuhuköm keu awaknyan sabab desya-desya awaknyan. Seusungguhjih Allah maha kuasa dan hukôman neuh that brat.

ذٰلِكَ بِاَنَّ اللّٰهَ لَمْ يَكُ مُغَيِّرًا نِّعْمَةً اَنْعَمَهَا عَلٰى قَوْمٍ حَتّٰى يُغَيِّرُوْا مَا بِاَنْفُسِهِمْۙ وَاَنَّ اللّٰهَ سَمِيْعٌ عَلِيْمٌۙ

Żālika bi'annallāha lam yaku mugayyiran ni‘matan an‘amahā ‘alā qaumin ḥattā yugayyirū mā bi'anfusihim, wa annallāha samī‘un ‘alīm(un).

Nyoe sabab Allah han neu ubah saboh nikmat nyang ka neu bri keu saboh kawom, sampoe umat nyan neu ubah peu nyang na lam droe jih. Seusungguhjih Allah maha geudeungo, maha geuteupeue;

كَدَأْبِ اٰلِ فِرْعَوْنَۙ وَالَّذِيْنَ مِنْ قَبْلِهِمْۚ كَذَّبُوْا بِاٰيٰتِ رَبِّهِمْ فَاَهْلَكْنٰهُمْ بِذُنُوْبِهِمْ وَاَغْرَقْنَآ اٰلَ فِرْعَوْنَۚ وَكُلٌّ كَانُوْا ظٰلِمِيْنَ

kada'bi āli fir‘aun(a), wal-lażīna min qablihim, każżabū bi'āyāti rabbihim fa ahlaknāhum biżunūbihim wa agraqnā āla fir‘aun(a), wa kullun kānū ẓālimīn(a).

(Keuadaan awaknjan) saban lagèë keuadaan ureuëng-ureuëng njang seutôt Fir’aun dan ureuëng-ureuëng njang ka ulikôt nibak awaknjan. Awaknyan jibantah ayat-ayat Tuhan awaknyan, maka kamoe peuhanco awaknyan sabab desya-desya awaknyan dan kamoe peukaram Fir'un dan peungikot gobnyan; sabab awaknyan na kheueh ureuëng-ureuëng nyang hana ade.

اِنَّ شَرَّ الدَّوَاۤبِّ عِنْدَ اللّٰهِ الَّذِيْنَ كَفَرُوْا فَهُمْ لَا يُؤْمِنُوْنَۖ

inna syarrad-dawābbi ‘indallāhil-lażīna kafarū fahum lā yu'minūn(a).

Seusungguhjih makhluk hudép njang paléng brok di sisi Allah nakeuh ureuëng-ureuëng kaphé, sabab hana meuiman.

الَّذِيْنَ عَاهَدْتَّ مِنْهُمْ ثُمَّ يَنْقُضُوْنَ عَهْدَهُمْ فِيْ كُلِّ مَرَّةٍ وَّهُمْ لَا يَتَّقُوْنَ

allażīna ‘āhatta minhum ṡumma yanquḍūna ‘ahdahum fī kulli marratiw wa hum lā yattaqūn(a).

(Yaitu) ureueng-ureueng nyang meuikat ngon saboh perjanjian ngon gata, lheuhnyan tiep-tiep watee awaknyan jimeujanji awaknyan jikhianat janji awaknyan, seudangkan awaknyan hana teumakot (keu Allah) .

فَاِمَّا تَثْقَفَنَّهُمْ فِى الْحَرْبِ فَشَرِّدْ بِهِمْ مَّنْ خَلْفَهُمْ لَعَلَّهُمْ يَذَّكَّرُوْنَ

fa immā taṡqafannahum fil-ḥarbi fa syarrid bihim man khalfahum la‘allahum yażżakkarūn(a).

Jadi meunyo gata (Muhammad) tapeutaloe awaknyan lam prang, maka tapeuseubar kheueh awaknyan nyang na di likot awaknyan deungon cara (tapeubinasa) awaknyan, mangat awaknyan jicok peulajaran.

وَاِمَّا تَخَافَنَّ مِنْ قَوْمٍ خِيَانَةً فَانْۢبِذْ اِلَيْهِمْ عَلٰى سَوَاۤءٍۗ اِنَّ اللّٰهَ لَا يُحِبُّ الْخَاۤىِٕنِيْنَ ࣖ

wa immā takhāfanna min qaumin khiyānatan fambiż ilaihim ‘alā sawā'(in), innallāha lā yuḥibbul-khā'inīn(a).

Dan meunjo droëneuh (Muhammad) khawatir keu (keudjadian) khianat nibak saboh keulompok, maka neubalaih lom perdjandjian njan keu awaknjan deungon tjara njang jujur. Sesungguhjih Allah hana geugalak keu ureung nyang khianat

وَلَا يَحْسَبَنَّ الَّذِيْنَ كَفَرُوْا سَبَقُوْاۗ اِنَّهُمْ لَا يُعْجِزُوْنَ

wa lā yaḥsabannal-lażīna kafarū sabaqū, innahum lā yu‘jizūn(a).

Dan bèk sampoë ureuëng-ureuëng njang kaphé njan djipiké bahwa djih akan hasé djipeulheuh droëdjih (nibak kuasa Allah). Memang awaknyan hana mungken leumoh (Allah).

وَاَعِدُّوْا لَهُمْ مَّا اسْتَطَعْتُمْ مِّنْ قُوَّةٍ وَّمِنْ رِّبَاطِ الْخَيْلِ تُرْهِبُوْنَ بِهٖ عَدُوَّ اللّٰهِ وَعَدُوَّكُمْ وَاٰخَرِيْنَ مِنْ دُوْنِهِمْۚ لَا تَعْلَمُوْنَهُمْۚ اَللّٰهُ يَعْلَمُهُمْۗ وَمَا تُنْفِقُوْا مِنْ شَيْءٍ فِيْ سَبِيْلِ اللّٰهِ يُوَفَّ اِلَيْكُمْ وَاَنْتُمْ لَا تُظْلَمُوْنَ

wa a‘iddū lahum mastaṭa‘tum min quwwatiw wa mir ribāṭil-khaili turhibūna bihī ‘aduwwallāhi wa ‘aduwwakum wa ākharīna min dūnihim, lā ta‘lamūnahum, allāhu ya‘lamuhum, wa mā tunfiqū min syai'in fī sabīlillāhi yuwaffa ilaikum wa antum lā tuẓlamūn(a).

Dan tapeusiap kheueh deungon banmandum keumampatan gata keu tahadapi awaknyan deungon teunaga nyang na bak gata dan nibak teuntra-teuntra nyang meu-guda nyang jeuet jitheun musoh-musoh Allah, musoh-musoh gata dan nyang laén nibak awaknyan nyang hana gata turi; tapi Allah neuteupue. Peuë mantong njang gata peu-abeh bak djalan Allah, teuntèë akan djibalaih deungon seusuai keu gata dan gata hana akan dji-azaléh (ji-rugoë).

۞ وَاِنْ جَنَحُوْا لِلسَّلْمِ فَاجْنَحْ لَهَا وَتَوَكَّلْ عَلَى اللّٰهِ ۗاِنَّهٗ هُوَ السَّمِيْعُ الْعَلِيْمُ

wa in janaḥū lis-salmi fajnaḥ lahā wa tawakkal ‘alallāh(i), innahū huwas-samī‘ul-‘alīm(u).

Teuma meunyo awaknyan ka condong keu damé, maka neuteurimong kheueh dan neupeucaya kheueh ubak Allah. Seusunggujih Gobnyan Maha Deungö dan Maha Teupeue.

وَاِنْ يُّرِيْدُوْٓا اَنْ يَّخْدَعُوْكَ فَاِنَّ حَسْبَكَ اللّٰهُ ۗهُوَ الَّذِيْٓ اَيَّدَكَ بِنَصْرِهٖ وَبِالْمُؤْمِنِيْنَۙ

wa iy yurīdū ay yakhda‘ūka fa inna ḥasbakallāh(u), huwal-lażī ayyadaka binaṣrihī wa bil-mu'minīn(a).

Dan meunyoe awaknyan jikeuneuk peungeut gata, maka keubiet Allah ka cukop (seubagoe peulindong) keu gata. Gobnyan kheueh nyang bri teunaga keu gata deungon bantuan Gobnyan dan deungon (dukôngan) ureuëng-ureuëng meuiman,

وَاَلَّفَ بَيْنَ قُلُوْبِهِمْۗ لَوْاَنْفَقْتَ مَا فِى الْاَرْضِ جَمِيْعًا مَّآ اَلَّفْتَ بَيْنَ قُلُوْبِهِمْ وَلٰكِنَّ اللّٰهَ اَلَّفَ بَيْنَهُمْۗ اِنَّهٗ عَزِيْزٌ حَكِيْمٌ

wa allafa baina qulūbihim, lau anfaqta mā fil-arḍi jamī‘am mā allafta baina qulūbihim wa lākinnallāha allafa bainahum, innahū ‘azīzun ḥakīm(un).

dan Gobnyan (Allah) geupeusaboh até awaknyan (ureueng meuiman). Bah that pih gata neupeuhabéh bandum (hareuta) njang na ateuëh rhuëng dônja njan, gata han ék neupeusaboh haté awaknjan, teutapi Allah ka neupeusaboh haté awaknjan. Sungguh Gobnyan maha kuasa, maha bijaksana.

يٰٓاَيُّهَا النَّبِيُّ حَسْبُكَ اللّٰهُ وَمَنِ اتَّبَعَكَ مِنَ الْمُؤْمِنِيْنَ ࣖ

yā ayyuhan-nabiyyu ḥasbukallāhu wa manittaba‘aka minal-mu'minīn(a).

Wahai Nabi (Muhammad)! Allah ka cukop (jeuet keu peulindong) keu gata dan keu ureueng-ureueng meuiman nyang seutot gata.

يٰٓاَيُّهَا النَّبِيُّ حَرِّضِ الْمُؤْمِنِيْنَ عَلَى الْقِتَالِۗ اِنْ يَّكُنْ مِّنْكُمْ عِشْرُوْنَ صٰبِرُوْنَ يَغْلِبُوْا مِائَتَيْنِۚ وَاِنْ يَّكُنْ مِّنْكُمْ مِّائَةٌ يَّغْلِبُوْٓا اَلْفًا مِّنَ الَّذِيْنَ كَفَرُوْا بِاَنَّهُمْ قَوْمٌ لَّا يَفْقَهُوْنَ

yā ayyuhan-nabiyyu ḥarriḍil-mu'minīna ‘alal-qitāl(i), iy yakum minkum ‘isyrūna ṣabirūna yaglibū mi'atain(i), wa iy yakum minkum mi'atuy yaglibū alfam minal-lażīna kafarū bi'annahum qaumul lā yafqahūn(a).

Wahai Nabi (Muhammad)! Meuradang seumangat ureung mukmin untuk meuprang. Meunyo lamkawan gata na dua ploh droe ureung saba, pasti awaknyan hase jipeutaloe dua reutoh droe musoh. Dan meunjoë na sireutôh droë (saban) nibak gata, maka awak njan akan djipeutaloë siribèë droë nibak ureuëng-ureuëng kaphé, sabab ureuëng-ureuëng kaphé njan nakeuh saboh kawôm njang hana muphôm.

اَلْـٰٔنَ خَفَّفَ اللّٰهُ عَنْكُمْ وَعَلِمَ اَنَّ فِيْكُمْ ضَعْفًاۗ فَاِنْ يَّكُنْ مِّنْكُمْ مِّائَةٌ صَابِرَةٌ يَّغْلِبُوْا مِائَتَيْنِۚ وَاِنْ يَّكُنْ مِّنْكُمْ اَلْفٌ يَّغْلِبُوْٓا اَلْفَيْنِ بِاِذْنِ اللّٰهِ ۗوَاللّٰهُ مَعَ الصّٰبِرِيْنَ

al'āna khaffafallāhu ‘ankum wa ‘alima anna fīkum ḍa‘fā(n), fa iy yakum minkum mi'atun ṣābiratuy yaglibū mi'atain(i), wa iy yakum minkum alfuy yaglibū alfaini bi'iżnillāh(i), wallāhu ma‘aṣ-ṣābirīn(a).

Jinoe Allah ka geupeumudah keu gata sabab neuteupue na leumoh nibak gata. Jadi meunyo lam kawan gata na sireutoh droe ureung saba, pasti awak nyan akan jeut dipeutaloe dua reutoh (musoh); dan meunjo lamkawan gata na siribèë droë (njang saba), teuntèë awaknjan ék djipeutaloë dua ribèë droë deungon izin Allah. Allah na sajan ureueng nyang saba.

مَاكَانَ لِنَبِيٍّ اَنْ يَّكُوْنَ لَهٗٓ اَسْرٰى حَتّٰى يُثْخِنَ فِى الْاَرْضِۗ تُرِيْدُوْنَ عَرَضَ الدُّنْيَاۖ وَاللّٰهُ يُرِيْدُ الْاٰخِرَةَۗ وَاللّٰهُ عَزِيْزٌحَكِيْمٌ

mā kāna linabiyyin ay yakūna lahū asrā ḥattā yuṡkhina fil-arḍ(i), turīdūna ‘araḍad-dun-yā, wallāhu yurīdul-ākhirah(ta), wallāhu ‘azīzun ḥakīm(un).

Hana patot sidroe nabi na tawanan sigohlom gobnyan hase geupeulumoh musoh-musoh gobnyan di ateueh bumoe. Gata meuheut keu hareuta donya seudangkan Allah meuheut (pahala) di akhirat (keu gata). Allah maha kuasa maha bijaksana.

لَوْلَاكِتٰبٌ مِّنَ اللّٰهِ سَبَقَ لَمَسَّكُمْ فِيْمَآ اَخَذْتُمْ عَذَابٌ عَظِيْمٌ

lau lā kitābum minallāhi sabaqa lamassakum fīmā akhażtum ‘ażābun ‘aẓīm(un).

Meunjo gohlom na peuteuntèë nibak Allah seugohlom njan, maka gata ka keunong siksaan njang rajek that sabab (teubaih) njang gata cok njan.

فَكُلُوْا مِمَّاغَنِمْتُمْ حَلٰلًا طَيِّبًاۖ وَّاتَّقُوا اللّٰهَ ۗاِنَّ اللّٰهَ غَفُوْرٌ رَّحِيْمٌ

fa kulū mimmā ganimtum ḥalālan ṭayyibā(n), wattaqullāh(a), innallāha gafūrur raḥīm(un).

Jadi, pajoh kheueh padum-padum boh barang rampasan prang nyang ka gata teume, sibagoe peunajoh nyang halal dan jroh, dan teumakot keu Allah. Sesungguhjih Allah Maha Pengampun dan Maha Pengahyang.

يٰٓاَيُّهَا النَّبِيُّ قُلْ لِّمَنْ فِيْٓ اَيْدِيْكُمْ مِّنَ الْاَسْرٰٓىۙ اِنْ يَّعْلَمِ اللّٰهُ فِيْ قُلُوْبِكُمْ خَيْرًا يُّؤْتِكُمْ خَيْرًا مِّمَّآ اُخِذَ مِنْكُمْ وَيَغْفِرْ لَكُمْۗ وَاللّٰهُ غَفُوْرٌ رَّحِيْمٌ ࣖ

yā ayyuhan-nabiyyu qul liman fī aidīkum minal-asrā, iy ya‘lamillāhu fī qulūbikum khairay yu'tikum khairam mimmā ukhiża minkum wa yagfir lakum, wallāhu gafūrur raḥīm(un).

Wahai Nabi (Muhammad)! Kheun keu tawanan prang nyang na lam jaroe gata, "Meunyoe Allah geuteupeue na keubaikan lam hate gata, pasti Gobnyan geubri keu gata sapeue-sapeue nyang leubeh jroh nibak nyang ka geucok nibak gata dan Gobnyan geubri amphon keu gata." Allah maha peuampôn, maha peunyayang.

وَاِنْ يُّرِيْدُوْا خِيَانَتَكَ فَقَدْ خَانُوا اللّٰهَ مِنْ قَبْلُ فَاَمْكَنَ مِنْهُمْ وَاللّٰهُ عَلِيْمٌ حَكِيْمٌ

wa iy yurīdū khiyānataka faqad khānullāha min qablu fa amkana minhum wallāhu ‘alīmun ḥakim(un).

Teuma meunyo awaknyan (ureueng-ureueng nyang ka tawanan) jikeuneuk khianat gata (Muhammad), maka beutoi-beutoi sigohlom nyan awaknyan ka jikhianat keu Allah, maka Gobnyan ka geubri kuasa keu gata ateueh awaknyan. Allah maha geuteupeue, maha carong.

اِنَّ الَّذِيْنَ اٰمَنُوْا وَهَاجَرُوْا وَجَاهَدُوْا بِاَمْوَالِهِمْ وَاَنْفُسِهِمْ فِيْ سَبِيْلِ اللّٰهِ وَالَّذِيْنَ اٰوَوْا وَّنَصَرُوْٓا اُولٰۤىِٕكَ بَعْضُهُمْ اَوْلِيَاۤءُ بَعْضٍۗ وَالَّذِيْنَ اٰمَنُوْا وَلَمْ يُهَاجِرُوْا مَا لَكُمْ مِّنْ وَّلَايَتِهِمْ مِّنْ شَيْءٍ حَتّٰى يُهَاجِرُوْاۚ وَاِنِ اسْتَنْصَرُوْكُمْ فِى الدِّيْنِ فَعَلَيْكُمُ النَّصْرُ اِلَّا عَلٰى قَوْمٍۢ بَيْنَكُمْ وَبَيْنَهُمْ مِّيْثَاقٌۗ وَاللّٰهُ بِمَا تَعْمَلُوْنَ بَصِيْرٌ

innal-lażīna āmanū wa hājarū wa jāhadū bi'amwālihim wa anfusihim fī sabīlillāhi wal-lażīna āwaw wa naṣarū ulā'ika ba‘ḍuhum auliyā'u ba‘ḍ(in), wal-lażīna āmanū wa lam yuhājirū mā lakum miw walāyatihim min syai'in ḥattā yuhājirū, wa inistanṣarūkum fid-dīni fa ‘alaikumun naṣru illā ‘alā qaumim bainakum wa bainahum mīṡāq(un), wallāhu bimā ta‘malūna baṣīr(un).

Seusunggujih ureuëng-ureuëng njang meu-iman dan meu-hijrah dan meu-useuha deungon hareuta dan jiwa djih bak djalan Allah dan ureuëng-ureuëng njang bri teumpat meulindong dan bri bantuan (keu Muhajirin), awaknjan saleng peulindông. Dan (keu) ureuëng-ureuëng njang meuiman tapi gohlom djihijrah, hana keuwajéban sapeuë keu gata untôk tapeulindông awaknjan, sampoë awaknjan djihijrah. (Teuma) meunyo awaknyan jilakèe bantuan bak gata lam (peubela) agama, maka gata wajeb neubri bantuan kecuali keu ureueng-ureueng nyang ka jipeugot saboh perjanjian antara gata ngon awaknyan. Dan Allah Maha Neukalon peue mantong nyang gata peubuet.

وَالَّذِيْنَ كَفَرُوْا بَعْضُهُمْ اَوْلِيَاۤءُ بَعْضٍۗ اِلَّا تَفْعَلُوْهُ تَكُنْ فِتْنَةٌ فِى الْاَرْضِ وَفَسَادٌ كَبِيْرٌۗ

wal-lażīna kafarū ba‘ḍuhum auliyā'u ba‘ḍ(in), illā taf‘alūhu takun fitnatun fil-arḍi wa fasādun kabīr(un).

Dan ureueng-ureueng nyang kaphé, na cit nyang peulindông ureueng-ureueng nyang la’én. Meunjo hana tapeudjak peuë njang neuyuë lé Allah (saleng peulindông), hana ragu-ragu akan teudjadi karu ateuëh rhuëng dônja dan keurusakan njang rajek that.

وَالَّذِيْنَ اٰمَنُوْا وَهَاجَرُوْا وَجَاهَدُوْا فِيْ سَبِيْلِ اللّٰهِ وَالَّذِيْنَ اٰوَوْا وَّنَصَرُوْٓا اُولٰۤىِٕكَ هُمُ الْمُؤْمِنُوْنَ حَقًّاۗ لَهُمْ مَّغْفِرَةٌ وَّرِزْقٌ كَرِيْمٌ

wal-lażīna āmanū wa hājarū wa jāhadū fī sabīlillāhi wal-lażīna āwaw wa naṣarū ulā'ika humul-mu'minūna ḥaqqā(n), lahum magfirtuw wa rizqun karīm(un).

Dan ureuëng-ureuëng njang meu-iman dan meu-hijrah dan meu-useuha bak djalan Allah, dan ureuëng-ureuëng njang bri teumpat meulindong dan njang bri bantuan (keu ureuëng-ureuëng Muhajirin), njan keuh ureuëng-ureuëng njang beutôi-beutôi meuiman. Awaknyan meuteumé amphon dan rezeki nyang mulia (nikmat).

وَالَّذِيْنَ اٰمَنُوْا مِنْۢ بَعْدُ وَهَاجَرُوْا وَجَاهَدُوْا مَعَكُمْ فَاُولٰۤىِٕكَ مِنْكُمْۗ وَاُولُوا الْاَرْحَامِ بَعْضُهُمْ اَوْلٰى بِبَعْضٍ فِيْ كِتٰبِ اللّٰهِ ۗاِنَّ اللّٰهَ بِكُلِّ شَيْءٍ عَلِيْمٌ ࣖ

wal-lażīna āmanū mim ba‘du wa hājarū wa jāhadū ma‘akum fa ulā'ika minkum, wa ulul-arḥāmi ba‘ḍuhum aulā biba‘ḍin fī kitābillāh(i), innallāha bikulli syai'in ‘alīm(un).

Dan ureuëng-ureuëng njang meuiman lheuëh njan, lheuëh njan djimeuhijrah dan djidjak meudjihad deungon droëneuh njan, awaknjan njan na lam kawan droëneuh njan. Ladôm ureuëng njang meusyedara leubèh le hak ateuëh ureuëng laén (daripada ureuëng njang kon meusjèëdara) meunurôt Kitab Allah. Seusungguhjih Allah Maha Neuteupeuë ban dum peukara.