Q.S Adh-Obuhangwa (اَلذَّارِيَات) - 60 Omubaro gw’emishororongo

وَالذّٰرِيٰتِ ذَرْوًاۙ

waż-żāriyāti żarwā(n).

Ahabw'omuyaga ogurikuhuuha omucuucu, .

فَالْحٰمِلٰتِ وِقْرًاۙ

fal-ḥāmilāti wiqrā(n).

n’ebicu ebirimu (enjura), .

فَالْجٰرِيٰتِ يُسْرًاۙ

fal-jāriyāti yusrā(n).

kandi (emeeri) ezirikugyendera omu nyanja kyorobi, .

فَالْمُقَسِّمٰتِ اَمْرًاۙ

fal-muqassimāti amrā(n).

na (bamaraika) abarikubaganisamu enshonga, .

اِنَّمَا تُوْعَدُوْنَ لَصَادِقٌۙ

innamā tū‘adūna laṣādiq(un).

buzima, ekibaraganisiibwe kishemereire kuba eky'amazima, .

وَّاِنَّ الدِّيْنَ لَوَاقِعٌۗ

wa innad-dīna lawāqi‘(un).

kandi buzima, (ekiro ky’okuhoorera enzigu buzima nikiija kwija.

وَالسَّمَاۤءِ ذَاتِ الْحُبُكِۙ

was-samā'i żātil-ḥubuk(i).

Ndahira eiguru eriine emihanda;

اِنَّكُمْ لَفِيْ قَوْلٍ مُّخْتَلِفٍۙ

innakum lafī qaulim mukhtalif(in).

Buzima, buzima mwine ebiteekateeko bitarikushushana, .

يُّؤْفَكُ عَنْهُ مَنْ اُفِكَۗ

yu'faku ‘anhu man ufik(a).

akamuhindura (Qur’an n’omutumwa) abo abahindukire.

قُتِلَ الْخَرَّاصُوْنَۙ

qutilal-kharrāṣūn(a).

Abakyeenirwe abarikugamba ebishuba bingi;

الَّذِيْنَ هُمْ فِيْ غَمْرَةٍ سَاهُوْنَۙ

allażīna hum fī gamratin sāhūn(a).

(nikwo kugira ngu) abo abari omu butamanya n’okutafayo, .

يَسْـَٔلُوْنَ اَيَّانَ يَوْمُ الدِّيْنِۗ

yas'alūna ayyāna yaumud-dīn(i).

baabuuza bati: "Ekiro ky'okucwa orubanja ni ryari?"

يَوْمَ هُمْ عَلَى النَّارِ يُفْتَنُوْنَ

yauma hum ‘alan-nāri yuftanūn(a).

(Eizooba ry’okuhoorera enzigu ni) eizooba (obu) barafubirwe omu muriro ogutaraara.

ذُوْقُوْا فِتْنَتَكُمْۗ هٰذَا الَّذِيْ كُنْتُمْ بِهٖ تَسْتَعْجِلُوْنَ

Żūqū fitnatakum, hāżal-lażī kuntum bihī tasta‘jilūn(a).

(Kikabagambirwa ngu) "Mugyezeho ekifubiro kyanyu. Eki nikyo kifubiro eki mwashabire enyima ngu muyangye."

اِنَّ الْمُتَّقِيْنَ فِيْ جَنّٰتٍ وَّعُيُوْنٍۙ

innal-muttaqīna fī jannātiw wa ‘uyūn(in).

Buzima, abo abarikutiina Ruhanga bari omu misiri (paradiso) n’omu biziba by’amaizi, .

اٰخِذِيْنَ مَآ اٰتٰىهُمْ رَبُّهُمْ ۗ اِنَّهُمْ كَانُوْا قَبْلَ ذٰلِكَ مُحْسِنِيْنَۗ

Ākhiżīna mā ātāhum rabbuhum, innahum kānū qabla żālika muḥsinīn(a).

baatwara ebi Ruhanga yaabahaire. Buzima, ekyo kitakabaireho (omu nsi) bakaba bari abantu abarikukora ebirungi;

كَانُوْا قَلِيْلًا مِّنَ الَّيْلِ مَا يَهْجَعُوْنَ

kānū qalīlam minal-laili mā yahja‘ūn(a).

nibagwejegyera kakye munonga nyekiro;

وَبِالْاَسْحَارِ هُمْ يَسْتَغْفِرُوْنَ

wa bil-asḥāri hum yastagfirūn(a).

kandi aha muheru gw’ekiro bakashaba okusaasirwa (Ruhanga).

وَفِيْٓ اَمْوَالِهِمْ حَقٌّ لِّلسَّاۤىِٕلِ وَالْمَحْرُوْمِ

wa fī amwālihim ḥaqqul lis-sā'ili wal-maḥrūm(i).

Kandi omu bintu byabo harimu obugabe bw’abooro abarikushaba n’abooro abatarikushaba.

وَفِى الْاَرْضِ اٰيٰتٌ لِّلْمُوْقِنِيْنَۙ

wa fil-arḍi āyātul lil-mūqinīn(a).

Kandi omu nsi harimu obumanyiso (obukuru bwa Allah) ahabw'abo abarikwikiriza;

وَفِيْٓ اَنْفُسِكُمْ ۗ اَفَلَا تُبْصِرُوْنَ

wa fī anfusikum, afalā tubṣirūn(a).

kandi (na) ahariiwe wenka. Mbwenu shi iwe torikufayo?

وَفِى السَّمَاۤءِ رِزْقُكُمْ وَمَا تُوْعَدُوْنَ

wa fis-samā'i rizqukum wa mā tū‘adūn(a).

Kandi omu iguru harimu (ebirikureetaho) eby’okurya byawe n’ebi waraganisiibwe.

فَوَرَبِّ السَّمَاۤءِ وَالْاَرْضِ اِنَّهٗ لَحَقٌّ مِّثْلَ مَآ اَنَّكُمْ تَنْطِقُوْنَ ࣖ

fa wa rabbis-samā'i wal-arḍi innahū laḥaqqum miṡla mā annakum tanṭiqūn(a).

Mbwenu ahabwa Mukama w’eiguru n’ensi, buzima, ekiraganisiibwe nikiija kubaho buzima nk’oku orikugira.

هَلْ اَتٰىكَ حَدِيْثُ ضَيْفِ اِبْرٰهِيْمَ الْمُكْرَمِيْنَۘ

hal atāka ḥadīṡu ḍaifi ibrāhīmal-mukramīn(a).

Ekigano kyakuhika ahariiwe (Muhammad) eky’abagyenyi ba Ibrahim (bamaraika) abahimbisiibwe?

اِذْ دَخَلُوْا عَلَيْهِ فَقَالُوْا سَلٰمًا ۗقَالَ سَلٰمٌۚ قَوْمٌ مُّنْكَرُوْنَ

iż dakhalū ‘alaihi fa qālū salāmā(n), qāla salām(un), qaumum munkarūn(a).

(Ijuka) ku bataahire omu mwanya gwe bakagira ngu “Salaman” (muramutsya), Ibrahim akagarukamu ati, “Salamun” (muramutsya). (Bakaba bari) abantu abu yaabaire atamanyire.

فَرَاغَ اِلٰٓى اَهْلِهٖ فَجَاۤءَ بِعِجْلٍ سَمِيْنٍۙ

farāga ilā ahlihī fa jā'a bi‘ijlin samīn(in).

Nahabwekyo we (Ibrahim) akaza omu bwesherekye kubugana ab’eka ye, bwanyima yamureetera enyama y’enyana y’ebishaju (eyokize), .

فَقَرَّبَهٗٓ اِلَيْهِمْۚ قَالَ اَلَا تَأْكُلُوْنَ

fa qarrabahū ilaihim, qāla alā ta'kulūn(a).

bwanyima yaabaheereza (kwonka tibarikwenda kurya). Ibrahim ati “ahabwenki otarikurya.”

فَاَوْجَسَ مِنْهُمْ خِيْفَةً ۗقَالُوْا لَا تَخَفْۗ وَبَشَّرُوْهُ بِغُلٰمٍ عَلِيْمٍ

fa aujasa minhum khīfah(tan), qālū lā takhaf, wa basysyarūhu bigulāmin ‘alīm(in).

Nahabwekyo we (Ibrahim) akahurira yabatiina. Bagira bati: "Otatina," kandi bamuha amakuru marungi ga (okuzaarwa kwa) omwana orikutiina Ruhanga (Isaaka).

فَاَقْبَلَتِ امْرَاَتُهٗ فِيْ صَرَّةٍ فَصَكَّتْ وَجْهَهَا وَقَالَتْ عَجُوْزٌ عَقِيْمٌ

fa aqbalatimra'atuhū fī ṣarratin fa ṣakkat wajhahā wa qālat ‘ajūzun ‘aqīm(un).

Reero omukazi we yaija arikuteera orwaari (atangaire) yaateera omu maisho ge wenka yagira ati, "(Ndi) omukaikuru/omugurusi otarikuzaara."

قَالُوْا كَذٰلِكِۙ قَالَ رَبُّكِ ۗاِنَّهٗ هُوَ الْحَكِيْمُ الْعَلِيْمُ ۔

qālū każālik(i), qāla rabbuk(i), innahū huwal-ḥakīmul-‘alīm(u).

Bagira bati: "Mukama waawe nikwo arikugira. Buzima, niwe Munyabwengye, Okumanya byona."

۞ قَالَ فَمَا خَطْبُكُمْ اَيُّهَا الْمُرْسَلُوْنَۚ

qāla famā khaṭbukum ayyuhal-mursalūn(a).

We (Ibrahim) akagira ati: "Imwe batumwa, n'enki ekikuru kyanyu?"

قَالُوْآ اِنَّآ اُرْسِلْنَآ اِلٰى قَوْمٍ مُّجْرِمِيْنَۙ

qālū innā ursilnā ilā qaumim mujrimīn(a).

Bagarukamu bati: Buzimazima, tukatumwa omu ihanga ry'abasiisi (abantu ba Lut), .

لِنُرْسِلَ عَلَيْهِمْ حِجَارَةً مِّنْ طِيْنٍۙ

linursila ‘alaihim ḥijāratam min ṭīn(in).

ngu tubateere amabaare g’ensi (agagumire), .

مُّسَوَّمَةً عِنْدَ رَبِّكَ لِلْمُسْرِفِيْنَ

musawwamatan ‘inda rabbika lil-musrifīn(a).

ekiteirweho akamanyiso kuruga ahari Mukama waawe (okucwekyereza) abo abarikurenga aha bugarukiro."

فَاَخْرَجْنَا مَنْ كَانَ فِيْهَا مِنَ الْمُؤْمِنِيْنَۚ

fa akhrajnā man kāna fīhā minal-mu'minīn(a).

Bwanyima twaihayo abo abaikiriize abaabaire barimu (ensi y’abantu ba Luuti).

فَمَا وَجَدْنَا فِيْهَا غَيْرَ بَيْتٍ مِّنَ الْمُسْلِمِيْنَۚ

famā wajadnā fīhā gaira baitim minal-muslimīn(a).

Nahabwekyo titukashangiremu (ensi), okwihaho enju y’abasiraamu (Lut).

وَتَرَكْنَا فِيْهَآ اٰيَةً لِّلَّذِيْنَ يَخَافُوْنَ الْعَذَابَ الْاَلِيْمَۗ

wa taraknā fīhā āyatal lil-lażīna yakhāfūnal-‘ażābal-alīm(a).

Kandi tukasigaho (ensi egyo) akamanyiso k'abo abarikutiina ekifubiro ky'obusaasi.

وَفِيْ مُوْسٰىٓ اِذْ اَرْسَلْنٰهُ اِلٰى فِرْعَوْنَ بِسُلْطٰنٍ مُّبِيْنٍ

wa fī mūsā iż arsalnāhu ilā fir‘auna bisulṭānim mubīn(in).

Kandi omuri Musa (hakaba harimu obumanyiso bw’amaani ga Allah) obu twamutuma ahari Firaho n’eby’okutangaaza by’amazima.

فَتَوَلّٰى بِرُكْنِهٖ وَقَالَ سٰحِرٌ اَوْ مَجْنُوْنٌ

fa tawallā biruknihī wa qāla sāḥirun au majnūn(un).

Kwonka we (Faraoh) n'eihe rye bakahinduka bagira bati: "N'omufumu nari omushema."

فَاَخَذْنٰهُ وَجُنُوْدَهٗ فَنَبَذْنٰهُمْ فِى الْيَمِّ وَهُوَ مُلِيْمٌۗ

fa akhażnāhu wa junūdahū fanabażnāhum fil-yammi wa huwa mulīm(un).

N’ahabw’ekyo twamubonabonesa n’eihe rye, reero twabanaga omu nyanja, bari omu mbeera y’okuhemuka.

وَفِيْ عَادٍ اِذْ اَرْسَلْنَا عَلَيْهِمُ الرِّيْحَ الْعَقِيْمَۚ

wa fī ‘ādin iż arsalnā ‘alaihimur-rīḥal-‘aqīm(a).

Kandi (na) omu (kitebyo ky'abantu ba) 'Adi, obu twabatumaho omuyaga gw'okucwekyereza, .

مَا تَذَرُ مِنْ شَيْءٍ اَتَتْ عَلَيْهِ اِلَّا جَعَلَتْهُ كَالرَّمِيْمِۗ

mā tażaru min syai'in atat ‘alaihi illā ja‘alathu kar-ramīm(i).

(omuyaga) tigurikwikiriza ekintu kyona kugiteera, nangwa n’okugihindura obucupa.

وَفِيْ ثَمُوْدَ اِذْ قِيْلَ لَهُمْ تَمَتَّعُوْا حَتّٰى حِيْنٍ

wa fī ṡamūda iż qīla lahum tamatta‘ū ḥattā ḥīn(in).

Kandi omu (kitebyo ky'abantu ba) Samudi, obu kyabagambirwe ngu, "Mushemererwe okuhitsya aha bwire obuteirweho."

فَعَتَوْا عَنْ اَمْرِ رَبِّهِمْ فَاَخَذَتْهُمُ الصّٰعِقَةُ وَهُمْ يَنْظُرُوْنَ

fa‘atau ‘an amri rabbihim fa akhażathumuṣ-ṣā‘iqatu wa hum yanẓurūn(a).

Bwanyima bakakora eby’okwetunguura barikuhakanisa ekiragiro kya Mukama waabo, n’ahabw’ekyo bakateerwa enkuba obwo barikugireeba.

فَمَا اسْتَطَاعُوْا مِنْ قِيَامٍ وَّمَا كَانُوْا مُنْتَصِرِيْنَۙ

famastaṭā‘ū min qiyāmiw wa mā kānū muntaṣirīn(a).

N’ahabw’ekyo tibarabaasize kwimuka kandi nabo tibaratungire buhwezi, .

وَقَوْمَ نُوْحٍ مِّنْ قَبْلُ ۗ اِنَّهُمْ كَانُوْا قَوْمًا فٰسِقِيْنَ ࣖ

wa qauma nūḥim min qabl(u), innahum kānū qauman fāsiqīn(a).

kandi ekyo kitakabaireho (Tukacwekyereza) abantu ba Nuha. Buzima, n’abantu babi.

وَالسَّمَاۤءَ بَنَيْنٰهَا بِاَيْىدٍ وَّاِنَّا لَمُوْسِعُوْنَ

was-samā'a banaināhā bi'aidiw wa innā lamūsi‘ūn(a).

Kandi eiguru tukaryombeka n’amaani (Gaitu), kandi buzima tukagaziiha.

وَالْاَرْضَ فَرَشْنٰهَا فَنِعْمَ الْمٰهِدُوْنَ

wal-arḍa farasynāhā fa ni‘mal-māhidūn(a).

Kandi Twajanjaaza ensi; obwo (Itwe) turi abarungi abajanjaire.

وَمِنْ كُلِّ شَيْءٍ خَلَقْنَا زَوْجَيْنِ لَعَلَّكُمْ تَذَكَّرُوْنَ

wa min kulli syai'in khalaqnā zaujaini la‘allakum tażakkarūn(a).

Kandi tukahanga buri kimwe bibiri bibiri ngu mwijukye (obukuru bwa Allah).

فَفِرُّوْٓا اِلَى اللّٰهِ ۗاِنِّيْ لَكُمْ مِّنْهُ نَذِيْرٌ مُّبِيْنٌۚ

fa firrū ilallāh(i), innī lakum minhu nażīrum mubīn(un).

Nahabwekyo ahonaaho mugarukye (mworobere) Allah. Buzima, ndi okurabura okurikworeka gye kuruga ahari Allah ahariimwe.

وَلَا تَجْعَلُوْا مَعَ اللّٰهِ اِلٰهًا اٰخَرَۗ اِنِّيْ لَكُمْ مِّنْهُ نَذِيْرٌ مُّبِيْنٌ

wa lā taj‘alū ma‘allāhi ilāhan ākhar(a), innī lakum minhu nażīrum mubīn(un).

Kandi mutahanga baaruhanga abandi otari Allah. Buzima, ndi okurabura okurikworeka gye kuruga ahari Allah ahariimwe.

كَذٰلِكَ مَآ اَتَى الَّذِيْنَ مِنْ قَبْلِهِمْ مِّنْ رَّسُوْلٍ اِلَّا قَالُوْا سَاحِرٌ اَوْ مَجْنُوْنٌ

każālika mā atal-lażīna min qablihim mir rasūlin illā qālū sāḥirun au majnūn(un).

Nahabwekyo, buri Mutumwa ku yaabaire aija ahari abo ababandize, bo (abantu be) bakaba bagira bati: “N’omufumu nari omushema.”

اَتَوَاصَوْا بِهٖۚ بَلْ هُمْ قَوْمٌ طَاغُوْنَۚ

atawāṣau bih(ī), bal hum qaumun ṭāgūn(a).

Mbwenu shi bakasindikirana obutumwa aha byagambirwe. Nangwa n’abantu abarikurenga aha bugarukiro.

فَتَوَلَّ عَنْهُمْ فَمَآ اَنْتَ بِمَلُوْمٍ

fa tawalla ‘anhum famā anta bimalūm(in).

N'ahabw'ekyo obahindure omugongo, oryaba otarikuhemurwa.

وَذَكِّرْ فَاِنَّ الذِّكْرٰى تَنْفَعُ الْمُؤْمِنِيْنَ

wa żakkir fa innaż-żikra tanfa‘ul-mu'minīn(a).

Kandi ogumizemu orabura, ahabw'okuba buzima okurabura nikugasira abikiriza.

وَمَا خَلَقْتُ الْجِنَّ وَالْاِنْسَ اِلَّا لِيَعْبُدُوْنِ

wa mā khalaqtul-jinna wal-insa illā liya‘budūn(i).

Tindahangire majini n’abantu kureka ngu banramye.

مَآ اُرِيْدُ مِنْهُمْ مِّنْ رِّزْقٍ وَّمَآ اُرِيْدُ اَنْ يُّطْعِمُوْنِ

mā urīdu minhum mir rizqiw wa mā urīdu ay yuṭ‘imūn(i).

Tinyine by’okurya byona ebi ndikwenda kuruga aharibo kandi tindikwenda ngu banriise.

اِنَّ اللّٰهَ هُوَ الرَّزَّاقُ ذُو الْقُوَّةِ الْمَتِيْنُ

innallāha huwar-razzāqu żul-quwwatil-matīn(u).

Buzima Allah, niwe Mugabi w’eby’okurya Oine Amaani kandi oine Amaani maingi.

فَاِنَّ لِلَّذِيْنَ ظَلَمُوْا ذَنُوْبًا مِّثْلَ ذَنُوْبِ اَصْحٰبِهِمْ فَلَا يَسْتَعْجِلُوْنِ

fa inna lil-lażīna ẓalamū żanūbam miṡla żanūbi aṣḥābihim falā yasta‘jilūn(i).

Nahabwekyo buzima, aha bakozi b’ebibi hariho omugabo (gw’okufubirwa) nk’omugabo gwa banywani baabo (aba ira); N'ahabw'ekyo batashaba ngu nkiyanguhize.

فَوَيْلٌ لِّلَّذِيْنَ كَفَرُوْا مِنْ يَّوْمِهِمُ الَّذِيْ يُوْعَدُوْنَ ࣖ

fa wailul lil-lażīna kafarū miy yaumihimul-lażī yū‘adūn(a).

Nahabwekyo abo abatarikwikiriza nibaija kubonabona aha kiro ekibaraganisiibwe (ekiro ky’okucwerwa orubanja).